Loading...

ტექნიკური და სამშენებლო ზედამხედველობის სააგენტო
საქართველოს ეკონომიკისა და მდგრადი განვითარების სამინისტრო

ელექტრონული ნებართვები

ახალი ამბები

...

სააგენტოს თანამშრომლები მანქანა-დანადგარების შესახებ ევროდირექტივას გაეცნენ

11.10.2019

სააგენტოს თანამშრომლები დაესწრნენ ტრენინგს, რომელზეც დეტალურად გაეცნენ "მანქანა-დანადგარების შესახებ" ევროდირექტივის მოთხოვნებს. აღნიშნული დირექტივის მიხედვით, 2019 წლის ბოლომდე სააგენტომ უნდა შეიმუშავოს ტექნიკური რეგლამენტი მანქანა-დანადგარების შესახებ. აღნიშნული ვალდებულება გათვალისწინებულია საქართველოსა და ევროკავშირს შორის დადებული ასოცირების შეთანხმებით. ტრენინგი ევროკავშირის ექსპერტმა მარკ გარდინერმა ჩაატარა. შეხვედრა გაიმართა სააგენტოში მიმდინარე ევროკავშირის ტექნიკური დახმარების პროექტის ფარგლებში - „სააგენტოს შესაძლებლობების გაძლიერება საქართველოში ბაზარზე ზედამხედველობის სისტემის განვითარებისთვის“.

ვრცლად

...

სააგენტო თხევად გაზგასამართ სადგურებზე ზედამხედველობას აგრძელებს

11.10.2019

სექტემბრის თვეში სააგენტომ 9 თხევადი გაზგასამართი სადგურის ტექნიკური უსაფრთხოება შეამოწმა. გამოვლენილი დარღვევების გამო, კანონმდებლობის შესაბამისად, 6 ობიექტს ფინანსური სანქცია დაეკისრა და გონივრული ვადა მიეცა ტექნიკური უსაფრთხოების აღსადგენად. თხევადი გაზგასამართი სადგურები ოზურგეთის, ლანჩხუთისა და გარდაბნის რაიონებში შემოწმდა.

ვრცლად

...

საინფორმაციო კამპანია კარიერებზე უსაფრთხოების დასაცავად

16.08.2019

მეწარმეების ხელშეწყობის მიზნით, ეკონომიკისა და მდგრადი განვითარების სამინისტროს სსიპ ტექნიკური და სამშენებლო ზედამხედველობის სააგენტო აქტიურ საინფორმაციო კამპანიას ეწევა და კარიერების მფლობელებს აცნობს კარიერების ტექნიკურ უსაფრთხოებასთან დაკავშირებულ რეგულაციებს. ეფექტური კამპანიის შედეგად, წლის დასაწყისიდან დღემდე რეგისტრაცია ასზე მეტმა კარიერმა გაიარა, ათეულობით მათგანმა კი ტექნიკური სერთიფიკატი მოიპოვა. ამჟამად, საინფორმაციო კამპანია თეთრიწყაროს რაიონში მიმდინარეობს. საქართველოში წიაღისეულის მომპოვებელი ასეულობით კარიერი მოქმედებს. კარიერი, რომელიც ორი ან მეტი საფეხურით მუშავდება, მომეტებული ტექნიკური საფრთხის შემცველ ობიექტს წარმოადგენს. მისი მფლობელი ვალდებულია, დაიცვას უსაფრთხოების ნორმები, კარიერი დაარეგისტრიროს სააგენტოს უწყებრივ რეესტრში და ჩაატაროს პერიოდული ტექნიკური ინსპექტირება. ინსპექტირების შედეგად მიღებული ტექნიკური სერთიფიკატი ნიშნავს, რომ ტექნიკური უსაფრთხოების ნორმები დაცულია და კარიერზე დასაქმებული ადამიანები უსაფრთხო გარემოში მუშაობენ.

ვრცლად

...

„ანაკლიის განვითარების კონსორციუმს“ დოკუმენტების წარმოდგენის ვადა გაუხანგრძ

29.07.2019

საქართველოს ეკონომიკისა და მდგრადი განვითარების სამინისტროს სსიპ ტექნიკური და სამშენებლო ზედამხედველობის სააგენტომ შპს „ანაკლიის განვითარების კონსორციუმს“ სამშენებლო სამუშაოების წარმოებასთან დაკავშირებული სქემებისა და პროექტების წარმოდგენის ვადა გაუხანგრძლივა - ახალი თარიღი 2019 წლის 31 დეკემბრის ჩათვლით განისაზღვრა. სააგენტომ გადაწყვეტილება შპს „ანაკლიის განვითარების კონსორციუმის“ გენერალური დირექტორის, ლევან ახვლედიანის 16 ივლისის განცხადებისა და მის მიერ წარდგენილი შესაბამისი დოკუმენტაციის საფუძველზე მიიღო - კერძოდ, კონსორციუმის ხელმძღვანელი ითხოვდა სააგენტოს მიერ გაცემულ 2017 წლის 30 ოქტომბრის ბრძანებაში „ზუგდიდის მუნიციპალიტეტის სოფელ ანაკლიაში ღრმაწყლოვან ნავსადგურზე მშენებლობის ნებართვის გაცემის შესახებ“ ცვლილების შეტანას, რომელიც სამშენებლო სამუშაოების წარმოებასთან დაკავშირებული სქემებისა და პროექტების წარმოდგენის ვადის გახანგრძლივებას გულისხმობდა. ეკონომიკისა და მდგრადი განვითარების სამინისტროს სსიპ ტექნიკური და სამშენებლო ზედამხედველობის სააგენტომ გაითვალისწინა კონსორციუმის გენერალური დირექტორის მიერ წარმოდგენილი არგუმენტაცია, ასევე ქვეყნისთვის ანაკლიის ღრმაწყლოვანი ნავსადგურის მნიშვნელობა და საჭიროება და სამშენებლო სამუშაოების ნებართვის ვადის გახანგრძლივებით კიდევ ერთხელ გადადგა პორტის მშენებლობის ხელშეწყობისთვის საჭირო ნაბიჯი.

ვრცლად

...

დავით გიგინეიშვილმა გუდაურში მშენებლობებთან დაკავშირებით შეხვედრა გამართა

18.07.2019

სააგენტომ შეხვედრა გამართა კომპანიებსა და კერძო პირებთან, რომლებიც გუდაურის სარეკრეაციო ტერიტორიაზე სასტუმრო კომპლექსებს, საოჯახო სასტუმროებსა და საცხოვრებელ სახლებს აშენებენ. სააგენტო აღნიშნულ ტერიტორიაზე მშენებლობის ნებართვას გასცემს და მშენებლობის სახელმწიფო ზედამხედველობას ახორციელებს. სააგენტოს უფროსმა დავით გიგინეიშვილმა დამსწრეებს სამშენებლო რეგულაციები გააცნო. ღონისძიებაზე ასევე, იმსჯელეს პრობლემურ საკითხებსა და მათი გადაჭრის გზებზე. საინფორმაციო შეხვედრას ასზე მეტი ადამიანი დაესწრო, მათ შორის, მცხეთა-მთიანეთის სახელმწიფო რწმუნებულის, დუშეთისა და ყაზბეგის მუნიციპალიტეტების, მსხვილი დეველოპერული და სამშენებლო კომპანიების წარმომადგენლები და ინდივიდუალური მეწარმეები.

ვრცლად

...

რატი ობოლაძე სათამაშოების უსაფრთხოების შესახებ საუბრობს "მაესტროს" ეთერში

16.07.2019

სააგენტოს უფროსის მოადგილე, რატი ობოლაძე "მაეტროს" პირდაპირ ეთერში საუბრობს სათამაშოების უსაფრთხოების ტექნიკური რეგლამენტის შესახებ, რომელიც სამომავლოდ ამოქმედდება. მოისმინეთ დაწვრილებითი ინფორმაცია ამ თემაზე.

ვრცლად

გამოიწერეთ სააგენტოს ახალი ამბები

ტექნიკური და სამშენებლო ზედამხედველობის სააგენტო - საქართველოს ეკონომიკისა და მდგრადი განვითარების სამინისტრო

ანა პოლიტკოვსკაიას ქუჩა N8 (ყოფილი ჯიქიას ქ.), IV სართული თბილისი 0186, საქართველო

ტელეფონები (იხილეთ სამმართველოები): სააგენტოს სამმართველოები

tacsa@economy.ge