Loading...

ტექნიკური და სამშენებლო ზედამხედველობის სააგენტო
საქართველოს ეკონომიკისა და მდგრადი განვითარების სამინისტრო

ელექტრონული ნებართვები

ახალი ამბები

...

სააგენტოს მენეჯერებმა გაიარეს ევროკავშირის ექსპერტების ტრენინგი ლიდერობაში

05.03.2019

სააგენტოს უფროსმა - გრიგოლ კაკაურიძემ, უფროსის მოადგილემ - რამაზ ობოლაძემ და სააგენტოს სამმართველოების უფროსებმა გაიარეს ტრენინგი მართვასა და ლიდერობაში. ტრენინგი ჩაატარეს ევროკავშირის ექსპერტებმა - რიჩარდ ჰოჯმა და პოლ ტომასმა. ტრენინგი განხორციელდა სააგენტოში მიმდინარე ევროკავშირის პროექტის - „თვინინგის“ ფარგლებში. პროექტის მიზანია ხელი შეუწყოს სააგენტოს, რათა საქართველოში დაინერგოს ბაზარზე ზედამხედველობის სისტემა ევროკავშირის საუკეთესო გამოცდილების შესაბამისად.

ვრცლად

...

სააგენტოს თანამშრომლები მონაწილეობდნენ ბაზარზე ზედამხედველობის ვორქშოფში

05.03.2019

სააგენტოს თანამშრომლებმა მონაწილეობა მიიღეს ბაზარზე ზედამხედველობის ორდღიან ვორქშოფში. შეხვედრას უძღვებოდნენ ევროკავშირის ექსპერტები - ალექსას ზალპისი და ვირგინიას ჯუსისი. ვორქშოფის მონაწილეები გაეცნენ ლიეტუვის ბაზარზე ზედამხედველობის სისტემას და ევროდირექტივას წნევის ქვეშ მომუშავე მოწყობილობების სფეროში, ასევე, ლიფტების ევროპულ ინდუსტრიას გლობალურ ჭრილში და ლიფტებსა და საბაგირო გზებთან დაკავშირებულ ტექნიკურ საკითხებს. ტრენინგი განხორციელდა სააგენტოში მიმდინარე ევროკავშირის პროექტის - „თვინინგის“ ფარგლებში. პროექტის მიზანია ხელი შეუწყოს სააგენტოს, რათა საქართველოში დაინერგოს სამრეწველო და სამომხმარებლო ბაზარზე ზედამხედველობის სისტემა ევროკავშირის საუკეთესო გამოცდილების შესაბამისად.

ვრცლად

...

ბაზარზე ზედამხედველობის სიღრმისეული ტრენინგი სააგენტოს თანამშრომლებისთვის

05.02.2019

გერმანიის მეტროლოგიის ეროვნული ინსტიტუტის (PTB) ორგანიზებით, მინსკში გამართული ბაზარზე ზედამხედველობის ერთკვირიანი ტრენინგი გაიარეს სააგენტოს უფროსის მოადგილემ რამაზ ობოლაძემ და ბაზარზე ზედამხედველობის სამმართველოს წარმომადგენელმა გიორგი დარჩიაშვილმა. ბელარუსის დედაქალაქში გამართულ ტრენინგზე მონაწილეები სიღრმისეულად გაეცნენ შემდეგ საკითხებს: ევროკავშირის კანონმდებლობა ბაზარზე საქონლის მიმოქცევასა და მასთან დაკავშირებული საბაზრო ზედამხედველობის პროცედურების მხრივ; ბაზარზე ზედამხედველობის ზოგადი მოდელი (UNECE WP6); რისკის შეფასება ელექტრული მოწყობილობებისთვის; მოთხოვნები ბაზარზე ზედამხედველობის ინფორმაციული ტექნოლოგიებისადმი; ბაზარზე ზედამხედველობა ელექტრონულ კომერციაში; ბაზარზე ზედამხედველობის წლიური გეგმის შედგენა და საზედამხედველო ობიექტების ნიმუშების სისტემური შერჩევის მეთოდი (SLSM); ბაზარზე ზედამხედველობის სრულად განხორციელების პრაქტიკული მაგალითი, რაც ასევე, მოიცავდა ტრენინგის მონაწილეების საბოლოო გამოცდას, რის შემდეგაც, მონაწილეებს გადაეცათ სერთიფიკატები. ტრენინგში მონაწილეობდნენ აღმოსავლეთ პარტნიორობის ქვეყნების, მათ შორის, ბელარუსის, უკრაინის, მოლდოვის და სომხეთის ბაზარზე ზედამხედველობის სახელმწიფო უწყებების წარმომადგენლები. ტრენინგი 2018 წლის 28 იანვრიდან 1 თებერვლის ჩათვლით ჩატარდა პროექტ „აღმოსავლეთ პარტნიორობის ქვეყნების თანამშრომლობის განვითარება ხარისხის ინფრასტრუქტურის სფეროში“ ფარგლებში. სამრეწველო და სამომხმარებლო პროდუქტების ბაზარზე ზედამხედველობა საქართველოში 2018 წლიდან დაიწყო. ბაზარზე ზედამხედველ სახელმწიფო უწყებად განსაზღვრულია ეკონომიკისა და მდგრადი განვითარების სამინისტროს სსიპ ტექნიკური და სამშენებლო ზედამხედველობის სააგენტო.

ვრცლად

...

15 იანვრიდან სამშენებლო პროდუქტების ბაზარზე ზედამხედველობა იწყება

11.01.2019

სააგენტოს იურისტი სალომე ჭიჭინაძე საუბრობს15 იანვრიდან სამშენებლო პროდუქტების ბაზარზე ზედამხედველობის დაწყების შესახებ,"მაესტროს" პირდაპირ ეთერში.

ვრცლად

...

ტრენინგი ქიმიური საფრთხის შემცირებაზე SEVESO ევროდირექტივების შესაბამისად

21.11.2018

სახიფათო ნივთიერებებთან, მათ შორის ქიმიურ ნივთიერებებთან დაკავშირებული საფრთხის შემცირების მიზნით, საქართველოს კანონმდებლობა უახლოვდება SEVESO ევროდირექტივებს. სააგენტოს ინდუსტრიულ ობიექტებზე ზედამხედველობის სამმართველოს წარმომადგენელმა დავით მემარნიშვილმა მონაწილეობა მიიღო პრაქტიკულ ტრენინგში, სადაც განხილულ იქნა SEVESO სამართლებრივი ბაზა, ვალდებულებები და SEVESO ობიექტის დოკუმენტაციის სტრუქტურიზაცია Georgian Water and Power-ის ქლორის საცავისთვის. ტრენინგი ჩეხეთის განვითარების პროექტის ფარგლებში ჩატარდა. მას სხვადასხვა სახელმწიფო უწყებების წარმომადგენლები ესწრებოდნენ.

ვრცლად

...

რამაზ ობოლაძე - სამშენებლო პროდუქტების ბაზარზე ზედამხედველობის შესახებ

16.11.2018

რამაზ ობოლაძე, სააგენტოს უფროსის მოადგილე - სამშენებლო პროდუქტების ბაზარზე ზედამხედველობის შესახებ - პირდაპირი ეთერი "მაესტროზე"

ვრცლად

გამოიწერეთ სააგენტოს ახალი ამბები

ტექნიკური და სამშენებლო ზედამხედველობის სააგენტო - საქართველოს ეკონომიკისა და მდგრადი განვითარების სამინისტრო

ანა პოლიტკოვსკაიას ქუჩა N8 (ყოფილი ჯიქიას ქ.), IV სართული თბილისი 0186, საქართველო

ტელეფონები (იხილეთ სამმართველოები): სააგენტოს სამმართველოები

tacsa@economy.ge