შეხვედრა მშენებლობაში შრომის უსაფრთხოების ამაღლებასთან დაკავშირებით
29-05-2019
შრომის უსაფრთხოების საკითხებზე გაიმართა შეხვედრა სამშენებლო სფეროს კომპანიებთან. შეხვედრაზე განიხილეს უბედური შემთხვევების გამომწვევი მიზეზები, საკანონმდებლო რეგულაციები, პრობლემატური საკითხები და მათი გადაჭრის გზები.
შეხვედრას უძღვებოდნენ დევნილთა, შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტის უფროსი ბექა ფერაძე, საქართველოს ბიზნესომბუდსმენი ირაკლი ლექვინაძე, ეკონომიკისა და მდგრადი განვითარების სამინისტროს ტექნიკური და სამშენებლო ზედამხედველობის სააგენტოს უფროსი გრიგოლ კაკაურიძე და თბილისის მერიის მუნიციპალური ინსპექციის უფროსის მოადგილე მიხეილ მაღლაკელიძე.